దీపావళి శుభాకాంక్షలతో .. ప్రస్తుతానికి ఇక్కడ బ్లాగిల్లు

మొదటిగా తెలుగు బ్లాగర్లందరికీ వెండివెలుగుల దివ్య దీపావళి శుభాకాంక్షలు .
బ్లాగిల్లు కి బై బై చెప్పినప్పటినుంచి  నేను బ్లాగులు చూడడానికి కూడలి, మాలికలపై ఆధారపడ్డాను . వ్యాఖ్యలకోసం మాలికను చూసేవాడ్ని . ఏమనుకోనంటే నాకైతే పెద్ద సంతృప్తిగా అనిపించలేదు . కారణం మాలికలో అన్ని బ్లాగుల వ్యాఖ్యలూ  కనిపించకపోవడం .
అలాగే నాకు చాలా మెయిల్స్ వచ్చాయి . బ్లాగిల్లును పునః ప్రారంభించమని . కానీ వారితో ఇక కుదరదు అని చెప్పేసాను .
బ్లాగిల్లు మూసేయదానికి ప్రధాన కారణం ఆర్ధిక కారణం కాదు . ఎందుకంటే దాని హోస్టింగ్ ఉండనే ఉంది . అలాగే డొమైన్ కూడా రిన్యువల్ చేయడం కష్టం కాదు . కానీ తెలుగు బ్లాగులోకం స్థబ్దుగా ఉన్నప్పుడు ఇక కొనసాగించడం దండగ అనిపించింది . ఆదరణ లేకపోవడం అంటే ఒక్క బ్లాగిల్లుకే కాదు బ్లాగులకు కూడానూ ..
అయితే కనీసం కొంతలో కొంత బ్లాగు వీక్షకులకు సాయపడుదామని బ్లాగిల్లును బ్లాగర్ లో ఉంచాను . వ్యాఖ్యల విభాగం కూడా ఉంది . ప్రస్తుతానికి ఇక్కడ మీరు బ్లాగిల్లును చూడొచ్చు .

      http://blogillu.blogspot.com

కాకపొతే ఇక బ్లాగిల్లు డొమైన్ అయితే మీకు కనపడదు . కనుక బ్లాగిల్లు widgets  తొలగించుకోవాలని మరో విజ్ఞప్తి .

మరి భవిష్యత్ ప్రణాళిక అయితే ఒకటి ఉంది . అదేమిటంటే ఇండియాలోని బ్లాగర్ల కోసం ఇంగ్లీషులో ఒక ఆగ్రిగేటర్  ప్రారంభించాలని . దానిలోనే హిందీ, తమిళ్, తెలుగు మొదలైన భాషా విభాగాలు ఉంచాలని . అది త్వరలోనే కార్యరూపం దాల్చవచ్చు. దానికి మీ అందరి ఆశీస్సులూ కోరుతూ ...