'బ్లాగిల్లు' వ్యాఖ్యల విభాగంలో చేయబోతున్న మార్పులు - సలహాలకు ఆహ్వానం

        

        వ్యాఖ్యల విషయంలో వివాదాలు వస్తున్నాయని కాదు గానీ ఈమధ్య చాలామంది ఈ విషయంపై అనేక టపాలు, కామెంట్లు చేస్తుండడం నేను చూస్తున్నాను . సాధారణంగా నేను బ్లాగుల్లో టపాలను, వ్యాఖ్యలను  రాత్రి 10 దాటాక మాత్రమే కాసేపు వీక్షిస్తూ ఉంటాను. నేనే కాదు పగలంతా జాబ్ లోనో, పనిలోనో ఉండే వాళ్ళంలో చాలామంది మధ్యలో సమయం దొరికితే తప్పించి ఉదయం 10 లోపు లేదా సాయంత్రం 5 గంటల తర్వాత మాత్రమె ఎక్కువగా సంకలినులను వీక్షిస్తూ ఉంటారని నా విశ్లేషణ. ఈ మధ్య మొబైల్స్ వీక్షకుల సంఖ్య కూడా గణనీయంగానే పెరిగింది. దీనితో వీలున్నప్పుడల్లా మొబైల్ లో కూడా వీక్షిస్తున్నారనుకోండీ ..కొన్ని బ్లాగుల్లో వ్యాఖ్యలు  ఎక్కువగా వస్తే అవి ఉదయం పోస్టుచేసిన వ్యాఖ్యలను రాత్రికల్లా ఆ పేజీ నుండి తప్పిస్తాయి.
       ఇంతకుముందు బ్లాగిల్లులో వ్యాఖ్యలను, టపాలను బ్లాగులను బట్టి, రచయితలను బట్టి చూసుకునే వీలుండేది .కానీ ప్రస్తుతం అలా సాధ్యంకాదు . ఇక ప్రస్తుత స్క్రిప్టుతో మాలికలో అలా చేయగలిగే వీలు ఉంటుందని నేను అనుకోవడం లేదు. కాకపొతే డేటాబేస్ సైజును పెంచడం ద్వారా మాలికలో ఈ సదుపాయం కల్పించే అవకాశం  అయితే ఉంది .
 ఇక బ్లాగిల్లు గురించి ...
వీక్షకులకు బ్లాగర్లకు సదుపాయాలు కల్పించడంలో అడుగు ముందుకేసే వారిలో ముందుగా నేను ఉంటాను. అందుకే ఈ రోజు ఈ విషయమై కాస్త తీరిక చేసుకొని వ్రాయాలనిపించింది. వ్యాఖ్యలకు ప్రాధాన్యత కల్పించేలా ఈ విభాగాన్ని మార్పు చేయాలని అనుకుంటున్నాను . నాకున్న పరిమితుల దృష్ట్యా క్రింది మార్పులు సూచిస్తున్నాను ... దీనిపై మీ సలహాలు ఆహ్వానిస్తున్నాను

1. రెండు కాలమ్ లలో ఒక్కో కాలమ్ కి దాదాపు 50-100 వరకూ వ్యాఖ్యలు
2. కొన్ని బ్లాగుల్లో కామెంట్లకి ప్రత్యెక విభాగాలు  ( ఆ కొన్ని ఏవి ? రాజకీయ బ్లాగులా ? సాహితీ బ్లాగులా ? ) 
3. రెండు పేజీల్లో వ్యాఖ్యలు. 

పై విషయాలలో మీ అందరి సలహాలూ కోరుతున్నాను . అందరికీ సంబంధించిన విషయం కనుక సాధ్యమైనన్ని ఎక్కువ, నిర్మాణాత్మక సూచనలు చేయగలరు .